საქართველოს ნაკრების ყოფილი კაპიტანი, გიორგი ნემსაძე 54 წლის ასაკში გარდაიცვალა.
მისი საფეხბურთო კარიერა 1989 წელს, დინამო თბილისში დაიწყო და ბოლო, 2004-05 წლების სეზონიც მშობლიურ გუნდში გაატარა, როცა მასთან ერთად უეფა-ს თასის ჯგუფურ ეტაპზე ითამაშა.
დინამოს გარდა, გურია ლანჩხუთის, თბილისის ლოკომოტივის, შევარდენის, შვეიცარიული გრასჰოპერსის, გერმანული ჰომბურგის, თურქული ტრაბზონსპორის, იტალიური რეჯიანასა და შოტლანდიური დანდის რიგებში უთამაშია.
საქართველოს ნაკრების ფორმით 1992-2004 წლებში გამოდიოდა და 70 შეხვედრა ჩაატარა (მათგან 37 კაპიტნის სტატუსით).
აჭარაბეთ არენა უსამძიმრებს მის ოჯახს, ახლობელ ადამიანებსა და სრულიად ქართულ ფეხბურთს.
