გარდაიცვალა ქართველი ოლიმპიური ჩემპიონი

ლეგენდარული ქართველი ოლიმპიელი, ვლადიმერ გოგოლაძე 60 წლის ასაკში გარდაიცვალა. სამწუხარო ინფორმაციას მისი შვილი, გვანცა გოგოლაძე სოციალურ ქსელში ავრცელებს.

ვლადიმერ გოგოლაძე 1988 წლის სეულის ოლიმპიური თამაშების ჩემპიონია - სპორტული ტანვარჯიშის გუნდურ ჩათვლაში ოქროს მედალი მოიპოვა.

იგი გამორჩეული იმით, რომ მსოფლიო სპორტის ისტორიაში ერთ-ერთი პირველია, ვინც ოლიმპიურ თამაშებზე თავისუფალ ვარჯიშში სამმაგი მალაყი შეასრულა.

1984 წელს, ღერძსა და თავისუფალ ვარჯიშში მსოფლიო ჩემპიონატის ორი ოქროს მედალი მოიგო, 1985 წელს კი ევროპის ჩემპიონატის ბრინჯაოს პრიზიორი გახდა.

კარიერის დასრულების შემდეგ, სამწვრთნელო საქმიანობა დაიწყო და მთავარ მწვრთნელად მუშაობდა ოჰაიოს შტატში მდებარე ცნობილ ტანვარჯიშის კლუბ Gymnastics World-ში.