გატუზო: "9:0 ნორვეგიასთან? არასოდეს თქვა არასოდეს"

ჯენარო გატუზომ ნორვეგიის 9:0 დამარცხება არ გამორიცხა.

მხოლოდ ამ ან მეტი ანგარიშით გამარჯვება მოუტანს იტალიას მუნდიალის პირდაპირ საგზურს. სხვა შემთხვევაში მსოფლიოზე ნორვეგია გავა, იტალიას კი პლეიოფის თამაში მოუწევს.

„ანგარიში 9:0 დაუჯერებელია. ფეხბურთში არასდროს არ უნდა თქვა არასდროს, თუმცა სიმართლეს თვალებში უნდა ჩავხედოთ.

თამაშისთვის ისევე ვემზადებით, როგორც სხვა ნებისმიერისთვის, სიამაყით ვითამაშებთ და იმის გააზრებით, რომ გვხვდება გუნდი, რომელმაც ნახევარი წლის წინ საკმაო პრობლემები შეგვიქმნა.

ჭკვიანური და გონივრული თამაშით შეგვიძლია გავაგრძელოთ იმის კეთება, რასაც აქამდე ვაკეთებდით. 9:0 მოგება ძალიან რთულია, თუმცა არასოდეს თქვა არასოდეს." - აღნიშნა გატუზომ.