იტალიის ნაკრების მწვრთნელმა ჯენარო გატუზომ მსოფლიო ჩემპიონატის პლეი-ოფის წილისყრაზე ისაუბრა.
სკუადრა აძურა 1/2 ფინალში საკუთარ მოედანზე ჩრდილოეთ ირლანდიას დაუპირისპირდება, პოტენციურ ფინალში კი უელსსა და ბოსნია და ჰერცოგოვინას შორის გამარჯვებულს.
„ჩრდილოეთ ირლანდია ფიზიკურად ძლიერი გუნდია, რომელიც არასდროს არ ნებდება. უნდა ვიბრძოლოთ, ამაზე უკვე სამი თვეა ვლაპარაკობ. ვიცოდით, რომ პლეიოფის თამაში მოგვიწევდა, თუმცა წინ თავდაჯერებულად ვიყურებით.
არამგონია, პრობლემა ტაქტიკაში იყოს, ტაქტიკურ სქემებს თავისი პლიუსები და მინუსები აქვს. ჩვენ საკუთარ შეცდომებზე გვაქვს სამუშაო - როცა ყველაფერს კარგად ვაკეთებთ, მაშინ კონკურენტუნარიანები ვართ.
არ შეიძლება ნორვეგიასთან დაშვებული შეცდომების გამეორება. გვექნება დრო სქემებზე სამუშაოდ და მეტოქის შესასწავლად." - აღნიშნა იტალიის ნაკრების თავკაცმა.
