ოფიციალურად: მაროკოს ნაკრებს მსოფლიო ჩემპიონატზე ახალი მთავარი მწვრთნელი ჰყავს.
მაროკომ ოფიციალურად გამოაცხადა, რომ ეროვნული ნაკრების ახალი მთავარი მწვრთნელი მოჰამედ უაჰბი იქნება. ვალიდ რეგრაგმა, რომელმაც თამასა ძალიან მაღლა ასწია (აფრიკის თასის ფინალი და მსოფლიო ჩემპიონატის ნახევარფინალი), პოსტი დატოვა და გამოსამშვიდობებელი ვიდეოც გამოაქვეყნა.
აღსანიშნავია, რომ მაროკოს 20-წლამდელთა ნაკრებმა ცოტა ხნის წინ მსოფლიო ჩემპიონატზე გამარჯვებით მთელი მსოფლიო გააოცა. სწორედ ამ წარმატებული სისტემის ნაწილი იყო უაჰბიც, რაც მისი დაწინაურების ერთ-ერთი მიზეზი გახდა.
თუმცა, გამოცემა MARCA ხაზს უსვამს, რომ ეს შესაძლოა საბოლოო წერტილი არ იყოს. არ არის გამორიცხული, რომ ამ ზაფხულის მსოფლიო ჩემპიონატის დასრულების შემდეგ, მაროკოს სათავეში ჩავი ერნანდესი ვიხილოთ. მაროკოელები ჩავის კანდიდატურას სამომავლო პერსპექტივაში კვლავ აქტიურად განიხილავენ.
