გეიჯი მაკრეგორთან პოტენციურ ბრძოლაზე საუბრობს

ჯასტინ გეიჯის განცხადებით მან პრაქტიკულად დაკარგა იმედი, რომ ოდესმე კონორ მაკგრეგორთან ოქტაგონზე გასვლა მოუწევს.

მსუბუქი წონის ჩემპიონმა აღნიშნა, რომ მაკგრეგორი მისი თაობის მებრძოლებიდან ერთადერთია, ვისთანაც ბრძოლა ჯერ არ ჰქონია.

მაკგრეგორმა 11 ივლისს, ხუთწლიანი პაუზის შემდეგ, UFC 329-ზე იასპარეზა, სადაც მაქს ჰოლოუეისთან მარცხისას მუხლის (ACL) მძიმე ტრავმა მიიღო და გამოჯანმრთელებისთვის დაახლოებით 12 თვე დასჭირდება.

ამის გამო გეიჯი აცხადებს, რომ ირლანდიელთან ჩხუბის მოთხოვნას აღარ აპირებს:

თუ ჩემთან მოვიდოდა, განვიხილავდი, მაგრამ ამის ნაკლებად მჯერა. ის საკუთარ პრობლემებს აგვარებს. აღარც კი მინდა ამ ტიპზე ცუდის თქმა. უკვე ვცადე და არ მუშაობს.

რაც შეეხება მის სამომავლო გეგმებს, ილია თოფურიასთან ივნისში მოპოვებული გამარჯვების შემდეგ, გეიჯის ხელები კვლავ დაზიანებული აქვს:

სახლში წასვლა და ოდნავ გამოჯანმრთელება მომიწია. ჯერ კიდევ არ შემიძლია რაიმეს დავარტყა. ორივე ხელი ისევ მტკივა ბრძოლისგან... წლის დარჩენილ ნაწილში ჩემპიონობით დავტკბები, რადგან პირველ ექვს თვეში უკვე ორჯერ ვიჩხუბე.