„გიოკერეში დღეს წარმოუდგენელი იყო“ — მიკელ არტეტამ ტოტენჰემის განადგურება შეაფასა

არსენალის მთავარმა მწვრთნელმა, მიკელ არტეტამ, პრემიერ ლიგის 27-ე ტურში ტოტენჰემთან მოპოვებული დამაჯერებელი გამარჯვება (4:1) შეაფასა.

ესპანელმა სპეციალისტმა გუნდის მიდგომა და ფეხბურთელების ინდივიდუალური თამაში გამოყო.

„ძალიან გახარებული ვარ და ვამაყობ იმით, თუ როგორ მივუდექით ამ თამაშს. იმ ინიციატივითა და ხარისხით, რომლითაც აქ ჩამოვედით და მოვიგეთ მატჩი ზუსტად ისე, როგორც ეს გავაკეთეთ. სწორედ ამაშია ფეხბურთის სილამაზე.

თუ გავიხსენებთ ვულვერჰემპტონთან თამაშს, საერთოდ როგორ შევძელით მაშინ ფრის გადარჩენა? მე მათთან ერთად ვარ ყოველდღე და ვიცი, რამდენად ძლიერად სურთ მათ ეს გამარჯვება“.

ვიქტორ გიოკერეშის დუბლზე:

„დღეს ის დიდებული იყო. ამის ნაპერწკლებს ყოველ კვირას ვხედავდით, მაგრამ დღეს, ჩემი აზრით, ის უბრალოდ წარმოუდგენელი იყო“.

ებერეჩი ეზეს დუბლზე:

„მას აქვს საკუთარი თავის რწმენა და მისით ძალიან კმაყოფილი ვარ. ის მართლაც ცდილობს გაშინაურდეს და მოერგოს იმას, რაც ჩვენ მისგან გვინდა. ეს პრემიერ ლიგაა, აქ ყველაფერი მხოლოდ ბოლოში გადაწყდება, ამაში ეჭვი არ მეპარება. ათი მატჩი პრემიერ ლიგაში — ეს ჯერ კიდევ ძალიან გრძელი გზაა“, — განაცხადა არტეტამ.