VIDEO: კერიკის წარმატებული სვლა გრძელდება — იუნაიტედმა ევერტონს მოუგო და ოთხეულში შეაბიჯა
2 სთ წინ · 0 წთ წასაკითხად
-
Aa
+
ფონტის ზომა
პრემიერ ლიგის 27-ე ტურში მანჩესტერ იუნაიტედმა სტუმრად ევერტონს მძიმე ბრძოლაში აჯობა.
შეხვედრა ჰილ დიკინსონ სტედიუმზე გაიმართა და წითელი ეშმაკების გამარჯვებით 1:0 დასრულდა.
მატჩის ერთადერთი გოლი შეცვლაზე შემოსულმა ბენიამინ შეშკომ 71-ე წუთზე, ბრაიან მბიუმოს პასით გაიტანა და კერიკის გუნდს მორიგი მნიშვნელოვანი 3 ქულა მოუტანა.
თამაში მეტნაკლებად თანაბარი გამოვიდა — თავისი შანსები ორივე გუნდმა მიიღო, თუმცა მოიესის შეგირდები თავს კომპაქტურად იცავდნენ და იუნაიტედს სივრცეებს თითქმის არ უტოვებდნენ.
თუმცა, მეორე ნახევრის შუაში იუნაიტედმა ერთი სწრაფი კონტრშეტევის შანსი მიიღო და იდეალურადაც გამოიყენა.
მატჩის მიწურულს შეშკოს დუბლის შესრულებაც შეეძლო, თუმცა ერთი ერთზე დარჩენილმა ჯორდან პიკფორდის მოტყუება გადაწყვიტა და არ გამოუვიდა, რამაც იუნაიტედს სანერვიულო წუთები მოუტანა, თუმცა საბოლოოდ გუნდმა მინიმალური უპირატესობა მაინც შეინარჩუნა.
საბოლოოდ, იუნაიტედმა მორიგი გამარჯვებით 48 ქულა დააგროვა და მე-4 ადგილზე ოფიციალურად გადაინაცვლა, მეხუთეადგილოსან ჩელსის 3 ქულით ნაკლები აქვს, წინ მყოფ ასტონ ვილას კი — ამდენივეთი მეტი.
