ოფიციალურადაა დადასტურებული, რომ ანტუან გრიზმანი ამ სეზონის ბოლოს ატლეტიკოს დატოვებს და MLS-ის ორლანდო სიტიში გადავა.
ეს კი იმას ნიშნავს, რომ ატლეტიკოს ყველა დროის საუკეთესო ბომბარდირი კლუბს დიდი ტიტულის მოგების გარეშე დატოვებს.
ფრანგმა ჯამში ატლეტიკოში 11 წელი გაატარა, თუმცა ვერც ჩემპიონთა ლიგის მოგება შეძლო, ვერც ლა ლიგის და ვერც ესპანეთის თასის.
ყველაზე ახლოს ტიტულთან გრიზმანი 2016 წელს იყო, როცა ჩემპიონთა ლიგის ფინალში მადრიდის რეალთან პენალტების სერიაში დამარცხდა.
ესპანეთის დედაქალაქში 35 წლის ფეხბურთელმა ერთი ევროპა ლიგა და ერთი ევროპის სუპერთასი მოიგო.
კლუბის მაისურით ჩატარებულ 497 მატჩში გრიზმანს 212 გოლი და 99 საგოლე პასი აქვს გაფორმებული.
