„გუნდები ენფილდზე ხშირად მინდორზე გორაობისთვის ჩამოდიან", — სლოტი გალათასარაიზე

ლივერპულის მთავარმა მწვრთნელმა, არნე სლოტმა, ჩემპიონთა ლიგის 1/8 ფინალის საპასუხო მატჩში (4:0) გალათასარაის ფეხბურთელების ქცევაზე ისაუბრა.

„ჩვენ წარმოუდგენლად ხშირად ვხედავთ, როგორ ჩამოდიან მეტოქეები ენფილდზე მხოლოდ იმისთვის, რომ მოედანზე იგორაონ. იუვენტუსთან მატჩის პირველ ტაიმში გალათასარაის ფეხბურთელები გაზონზე 14-ჯერ გაწვნენ. ეს ნიშნავს, რომ თამაში ყოველ სამ წუთში ერთხელ წყდებოდა, რის გამოც არანაირი რითმი არ იყო.

მიმაჩნდა, რომ მნიშვნელოვანი იყო სათადარიგო სკამთან ემოციურობის ჩვენება. სტრესს არ განვიცდიდი — უბრალოდ მინდოდა მეჩვენებინა, რომ ამის დაშვება არ შეიძლება. მსურდა რაღაც გამეკეთებინა, რათა ყველას გაეგო, რომ ჩვენ ფეხბურთი უნდა დავიცვათ.

სამწუხაროა, რომ ფეხბურთი ასეთი მიმართულებით ვითარდება. ამიტომ, სიტყვებითა და ჟესტებით ვეცადე ნათელი მომეხდინა, რამდენად გამაღიზიანებელია ეს ყველაფერი“, – განაცხადა არნე სლოტმა.