გალათასარაის შემტევმა, ნოა ლანგმა, ლივერპულთან ჩემპიონთა ლიგის საპასუხო მატჩისას (0:4) თითის ნაწილი დაკარგა.
ნაპოლიდან თურქულ კლუბში განათხოვრებული 26 წლის ნიდერლანდელი ვინგერი მოედანზე შესვენების შემდეგ გამოვიდა და მეორე ტაიმში სარეკლამო ბანერს შეეჯახა.
თურქი ჟურნალისტი მუსტაფა მანდევი და გამოცემა Marca ადასტურებენ, რომ ფეხბურთელს ხელი ბანერებს შორის მოჰყვა, რამაც თითის ნაწილის ამპუტაცია გამოიწვია.
მატჩი რამდენიმე წუთით შეჩერდა. ლანგი ტკივილისგან ყვიროდა, სისხლის შეჩერებას კი დიდი ხნის განმავლობაში ვერ ახერხებდნენ. ექიმებმა მას ჟანგბადის ნიღაბი გაუკეთეს და საკაცეზე დააწვინეს.
ფეხბურთელი დაუყოვნებლივ გადაიყვანეს საავადმყოფოში სასწრაფო ოპერაციისთვის.
გალათასარაიმ ოფიციალურად დაადასტურა დაზიანების სერიოზულობა, თუმცა თითის დაკარგვის შესახებ ინფორმაციას Marca და ადგილობრივი წყაროები ავრცელებენ.
