ჰაჯის რეკორდი გააუმჯობესა - იკარდის ისტორიული მიღწევა გალათასარაიში

მაურო იკარდი, ლეგიონერებს შორის, თურქეთის სუპერ ლიგაში გალათასარაის ყველა დროის საუკეთესო ბომბარდირია.

არგენტინელმა ცენტრფორვარდმა ლეგენდარული გეორგე ჰაჯის რეკორდი გააუმჯობესა - რუმინელის აქტივში სუპერ ლიგაში 59 გოლია, იკარდიმ კი უკვე 60 გოლი მოაგროვა და სტამბოლური გრანდის ისტორიაში შევიდა.

რაც შეეხება გალას ყველა დროის ბომბარდირთა სიას, მაურიტო იქ, 70 გოლით, მე-8 ადგილს იკავებს და 2 გოლით სწორედ ჰაჯის ჩამორჩება. კლუბის ყველა დროის ბომბარდირი მეტინ ოქტაია, რომელსაც 405 თამაშში 349 გოლი აქვს.

წლევანდელი სუპერ ლიგის 17 ტურის შემდეგ, გალათასარაის 42 ქულა აქვს და მე-2 ადგილოსან ფენერბაჰჩეს 3 ქულით უსწრებს. 17 იანვრამდე ზამთრის შესვენებაა.