Geo Team-ის ინფორმაციით, საბა ხარებაშვილი კარიერას თურქულ ბაშაქშეჰირში გააგრძელებს.
ფეხბურთელი უკვე თურქეთშია, დინამო თბილისის ანტალიურ შეკრებას დატოვებს და ხვალ სტამბულში სამედიცინო შემოწმებას გაივლის.
დინამო თბილისის 17 წლის მარცხენა მცველი ბაშაქშეჰირთან კონტრაქტს 4+1 სისტემით გააფორმებს. ფეხბურთელი ასაკის შეზღუდვის გამო თურქულ კლუბს ზაფხულიდან შეუერთდება.
წყაროს ცნობით, ეს იქნება სატრანსფერო თანხით ერთ-ერთი რეკორდული გაყიდვა დინამო თბილისის ისტორიაში. ყველა დეტალი ტრანსფერის გაოფიციალურების შემდეგ გამოცხადდება.
ბაშაქშეჰირი თურქეთის ჩემპიონატის მიმდინარე სეზონში 21 ტურის შემდეგ 33 ქულით მე-6 ადგილზეა.
შეგახსენებთ, რომ საბა ხარებაშვილი საქართველოს ეროვნული ნაკრების ისტორიაში ყველაზე ახალგაზრდა ფეხბურთელია. მისი დებიუტი ეროვნულ გუნდში 16 წლის ასაკში შედგა.
