VIDEO: გამარჯვება მოქმედ ჩემპიონთან - დინამომ მეორე ადგილზე აინაცვლა
1 სთ წინ · 0 წთ წასაკითხად
-
Aa
+
ფონტის ზომა
დინამო თბილისმა, მიმდინარე სეზონის მე-2 ტურის შემდეგ პირველად, ეროვნული ლიგის სატურნირო ცხრილის მე-2 ადგილზე აინაცვლა.
მე-13 ტურის მთავარ შეხვედრაში, დინამოელებმა დედაქალაქურ დერბიში 2-გზის მოქმედ ჩემპიონ იბერია 1999-ს უმასპინძლეს და 2:0 მოუგეს - გოლები ნანა კოფი დონკორისა და აბდულაიე იოროს ანგარიშზეა.
თემურ ქეცბაიას ხელმძღვანელობით, დინამო თბილისმა მე-5 მატჩი ჩაატარა და 13 ქულა აქვს აღებული - სამგურალი, სპაერი, რუსთავი და იბერია დაამარცხეს, ხოლო დინამო ბათუმთან ფრედ ითამაშეს.
კიდევ ერთი აღსანიშნავი ამბავია, რომ ეროვნულ ლიგაში დებიუტი ჰქონდა 16 წლის თორნიკე კვარაცხელიას, რომელიც მოედანზე 70-ე წუთზე შევიდა.
დინამომ 21 ქულა მოაგროვა, დილა და რუსთავი ჩამოიტოვა და მხოლოდ ლიდერ იბერიასღა ჩამორჩება - სხვაობა 3 ქულაა.
დინამოელები მომდევნო ტურში, 20 მაისს, სწორედ დილას გორში ესტუმრებიან, იბერია კი იმავე დღეს ბოლოსწინა ადგილზე მყოფ გაგრას უმასპინძლებს.
