სლოვაკეთის NIKE LIGA-ს ბოლო ტურში, ცოტნე კაპანაძისა და გიორგი გაგუას დუნაისკა სტრედას წარმატებული მატჩი ჰქონდა და ჩემპიონატი მე-2 ადგილზე დაასრულა.
დუნაისკა ლუკა ხორხელისა და გიორგი მოისწრაფიშვილის სპარტაკ ტრნავას ხვდებოდა (განაცხადში არც ერთი მათგანი ყოფილა), 3:0 დაამარცხა და ვიცე-ჩემპიონის სტატუსი ჩამოართვა.
პირველი გოლისას, ასისტი კაპანაძემ შეასრულა, მეორე გოლი კი გაგუამ შეაგდო. ცოტნესთვის სეზონში მე-4 საგოლე პასია, ხოლო გიორგიმ მე-2 გოლი გაიტანა (3 ასისტიც აქვს).
შედეგად, დუნაისკა სტრედამ სეზონი მე-2 ადგილზე დაასრულა და კონფერენს ლიგაზე ითამაშებს ისევე, როგორც სპარტაკ ტრნავა. ჩემპიონი სლოვან ბრატისლავა ჩემპიონთა ლიგაზე კიდევ ერთხელ გასვლას შეეცდება, სანდრო ნარიმანიძის ჟილინა კი ევროპა ლიგის საკვალიფიკაციო ეტაპში მიიღებს მონაწილეობას.
