ლუის ჰამილტონმა კანადის გრან-პრიზე მოპოვებული მეორე ადგილი ფერარიში „ყველაზე ბედნიერ დღედ“ შეაფასა.
შვიდგზის მსოფლიო ჩემპიონმა აღნიშნა, რომ გუნდის რიგებში საუკეთესო შედეგის მიღწევის შემდეგ თავს „ძალიან მსუბუქად“ გრძნობს.
მას შემდეგ, რაც შაბათ-კვირის დასაწყისში კარგი ტემპი აჩვენა, ჰამილტონს შაბათის სპრინტში იმედგაცრუება შეხვდა - საბოლოოდ მან მხოლოდ მე-6 ადგილი დაიკავა.
კვირას კი ყველაფერი ბევრად უკეთ წავიდა ბრიტანელისთვის - სტარტზე მე-5 ადგილიდან დაიწყო და საბოლოოდ მაქს ვერსტაპენთან მე-2 ადგილისთვის ბრძოლაში აღმოჩნდა.
ჰამილტონმა საბოლოოდ ეს ბრძოლა მოიგო და მე-2 ადგილის მოპოვების შემდეგ სიხარული ვერ დამალა - შედეგი, რომელიც მისთვის განსაკუთრებით მნიშვნელოვანია ფერარიში გადასვლის შემდეგ, რადგან 2025 წლიდან გუნდში ყოფნის პერიოდში არაერთი აღმასვლა და დაღმასვლა ჰქონდა.
ღმერთო ჩემო, ეს ფერარიში ჩემი ყველაზე ბედნიერი დღეა აქამდე.
არაჩვეულებრივი შეგრძნებაა ფერარის ბოლიდის პოდიუმზე დაყენება და ასევე მთავარი რბოლის ფარგლებში გუნდთან ერთად ჩემი პირველი მე-2 ადგილის მოპოვება. ეს ჩემი მეორე პოდიუმიცაა.
ძალიან გახარებული ვარ და უზომოდ ვამაყობ გუნდით იმისთვის, რამდენად ბევრს შრომობდნენ. საბოლოოდ მივაღწიე იმ საინჟინრო გუნდს, რომელთან მუშაობაზეც ვმუშაობდი. ვფიქრობ, ჩვენი ბოლიდი ძალიან კარგია, ბიჭებმა ზამთარში შესანიშნავი სამუშაო შეასრულეს, რომ ბოლიდი ამ დონეზე მოეყვანათ და ახლა მას ბევრად უკეთ ვიგებ და ბევრად კომფორტულად ვგრძნობ თავს.
მართალია, ჯერ ზუსტად იქ არ ვართ, სადაც გვინდა ვიყოთ, მაგრამ ასეთი შედეგის მიღწევა ნიშნავს, რომ მაქსიმალურად გამოვიყენეთ ჩვენი შესაძლებლობები… შესანიშნავი საიმედოობა გვაქვს. ეს საოცარია და დიდ მადლობას ვუხდი გუნდს.“ - თქვა ჰამილტონმა რბოლის შემდეგ.
როდესაც ჰკითხეს, პირადად მისთვის რამდენად დამაკმაყოფილებელი იყო ეს შედეგი, ჰამილტონმა უპასუხა:
გულწრფელად რომ ვთქვა, ეს საუკეთესო შეგრძნებაა. ახლა თავს ძალიან მსუბუქად ვგრძნობ.
ფიზიკურად თავს შესანიშნავად ვგრძნობ, ძალიან ძლიერ ფორმაში ვარ, და აშკარად მენტალურადაც კარგ მდგომარეობაში ვიმყოფები. ამ შაბათ-კვირას უზარმაზარი ენერგიით ჩამოვედი და მინდა ეს მდგომარეობა მომავალშიც გავაგრძელო.“
ჰამილტონის მე-2 ადგილი, ასევე მისი თანაგუნდელის, შარლ ლეკლერის მე-4 ადგილი ფერარის გუნდურ ჩემპიონატში მე-2 ადგილის კიდევ უფრო გამყარებაში დაეხმარა, მაშინ როცა მე-3 ადგილზე მყოფმა მაკლარენმა უქულოდ დაასრულა დღე.
ანტონელის ზედიზედ მე-4 გამარჯვება - რასელი რბოლას გამოეთიშა
