ბარსელონას ახალწვეულმა, ენტონი გორდონმა ოქროს ბურთის მთავარ ფავორიტებად თავისი თანაგუნდელები, ლამინ იამალი და ჰარი კეინი დაასახელა.
ინგლისისა და ესპანეთის ნაკრებების ერთა ლიგის დაპირისპირების წინ, ინგლისელმა შემტევმა ორივე ფეხბურთელის სეზონი გამოარჩია.
რასაც ლამინი ამ ასაკში აკეთებს, სიგიჟეა. ის ახლა სრულიად სხვა დონეზეა და ვფიქრობ, ამჟამად მსოფლიოში ნომერ პირველი გარემარბია. თუმცა, მეორე მხრივ, თუ გასულ სეზონს შევხედავთ, ჰარი კეინს ისტორიული შედეგი ჰქონდა, მან 73 გოლი გაიტანა. გამარჯვების სერიოზული არგუმენტი ორივეს აქვს და ორივეს წარმატებას ვუსურვებ
წინ დიდი სანაკრებო მატჩია, ტომას ტუხელის ინგლისის ნაკრები, რომელიც მსოფლიო ჩემპიონატის ნახევარფინალში არგენტინასთან დრამატულად დამარცხდა, ახლა მოქმედ მსოფლიო ჩემპიონ ესპანეთს დაუპირისპირდება. გორდონს კი ესპანელთა რიგებში ბარსელონელი თანაგუნდელების წინააღმდეგ მოუწევს თამაში.
