იამალი ინგლისთან მატჩში განსხვავებული ნომრით ითამაშებს

ესპანეთის ნაკრებისა და ბარსელონას ახალგაზრდა ვარსკვლავი ლამინ იამალი ინგლისის წინააღმდეგ გასამართ შეხვედრაში განსხვავებული ნომრით გამოვა მოედანზე.

ერთა ლიგის მეექვსე ტურის მატჩში იამალი 10-ნომრიან მაისურს მოირგებს, რომელიც ესპანეთის ნაკრებში ჩვეულებრივ დანი ოლმოს ეკუთვნის.

ოლმო ტრავმირებულია და შეხვედრაში მონაწილეობას ვერ მიიღებს, რის გამოც 10 ნომერი ამჯერად იამალს ერგო.

აღსანიშნავია, რომ ბარსელონას შემტევისთვის ეს ნომერი სანაკრებო დონეზე უცხო არ არის. 2024 წელს მან დანიის წინააღმდეგ გამართულ შეხვედრაშიც 10-ნომრიანი მაისურით ითამაშა.

ესპანეთისა და ინგლისის დაპირისპირება დღეს, მადრიდში, მეტროპოლიტანოს სტადიონზე გაიმართება.

მატჩი თბილისის დროით 23:45 საათზე დაიწყება.