იაშვილი სანიოლზე: "კონტრაქტის გაწყვეტაზე ორმხრივად შევთანხმდით"

საქართველოს ფეხბურთის ფედერაციის ვიცე-პრეზიდენტმა, ალექსანდრე იაშვილმა ერთა ლიგის მიმდინარე გათამაშების ბოლო მატჩებსა და ვილი სანიოლზე ისაუბრა.

იაშვილმა განაცხადა:

ითხოვს თუ არა ვილი სანიოლი კომპენსაციას? დეტალებზე ვერ ვისაუბრებთ. ვილის ქართული ფეხბურთის წინაშე დიდი დამსახურება აქვს. ჩრდილოეთ ირლანდიასთან მატჩის შემდეგ ვისაუბრეთ, ბოლო მატჩებში მიღწეული შედეგებით უკმაყოფილოები ვიყავით და კონტრაქტის გაწყვეტაზე ორმხრივად შევთანხმდით.

იმაზე საუბრისას, თუ რა უპირატესობა აქვს საგურამოსთან შედარებით თბილისის ცენტრში შეკრებას, იაშვილმა აღნიშნა, რომ მთავარი მიზეზი მინდვრის საფარია, რადგან მიუხედავად საგურამოში არსებული შესანიშნავი სასტუმროსა, მიხეილ მესხის მოედანი ბევრად უკეთესია, ეს კი გუნდის სათანადო მომზადებისთვის გადამწყვეტი ფაქტორია.

საქართველოს ეროვნული გუნდი ნოემბერში ორ შეხვედრას გამართავს:

14 ნოემბერი 21:00, საქართველო - უნგრეთი

17 ნოემბერი 23:45 უკრაინა - საქართველო