როგორც იცით, UFC-ს სომეხი მებრძოლი, არმან ცარუკიანი, ილია თოფურიას და ჩარლზ ოლივეირას ბრძოლის დამზღვევი იქნება.
თუ რომელიმე მებრძოლი რაიმე მიზეზით ჩაეხსნება ამ ბრძოლას, მას ოქტაგონზე სწორედ ცარუკიანი შეცვლის, რომელსაც წლის დასაწყისში მსუბუქი წონის საჩემპიონო ქამრისთვის ისლამ მახაჩევთან უნდა ეჩხუბა, თუმცა ბრძოლას ორი დღით ადრე, ოფიციალური მიზეზით ზურგის პრობლემების გამო ჩაეხსნა.
„ილოცე, რომ ჩარლზს არაფერი მოუვიდეს, იმიტომ რომ ამ დივიზიონში შენთვის ყველაზე უხერხული მეტოქე ვარ. ამიტომაც ჩხუბობ ქამრისთვის იმ კაცთან, ვინც უკვე დამარცხებული მყავს და არა ჩემთან." - წერს სოციალურ ქსელში ცარუკიანი.
თოფურიამ გუშინდელ ინტერვიუში აღნიშნა, რომ ცარუკიანმა შეცდომა დაუშვა, როცა ამ ბრძოლის დამზღვევად გადაწყვიტა ყოფნა. მისი თქმით, სომეხს მის წინააღმდეგ შანსი არ აქვს.
„ჩემთან არმანს შანსი არ აქვს. პირველი რაუნდი, პირველი წუთი - რა უნდა გამიკეთოს? ფეხებში ჩამივარდეს? ბრო, კარგი რა." - აღნიშნა ილიამ.
