"იმედია, გუნდს მიზნის მიღწევაში დავეხმარები" - ქვილითაია მეცის ფეხბურთელია

უკვე ოფიციალურად, გიორგი ქვილითაია ფრანგული მეცის ფეხბურთელია.

"საფეხბურთო კლუბი მეცი სიხარულით აცხადებს თავდამსხმელის, გიორგი ქვილითაიას, კლუბში გადმოსვლას. ცოტა ხნის წინ არის ლიმასოლიდან (კვიპროსი) წამოსული, საქართველოს ნაკრების 32 წლის ფეხბურთელი კლუბთან კონტრაქტს 2026 წლის ივნისამდე აფორმებს და სეზონის ბოლომდე ლორენის ჯვრის ფერებს დაიცავს.

საქართველოს ეროვნულ ნაკრებში 42 მატჩში 6 გოლის ავტორი, გიორგი ქვილითაია მეცს სოლიდურ გამოცდილებას მატებს. იგი 2018–2020 წლებში ბელგიურ გენტში თამაშობდა, ხოლო საფეხბურთო კარიერა თბილისის სასკოში დაიწყო. ბოლო სეზონებში ქვილითაია განსაკუთრებით გამოირჩა კვიპროსის ჩემპიონატში, სადაც აპოელ ნიქოზიასა და მოგვიანებით არის ლიმასოლის რიგებში 115 მატჩში 42 გოლი გაიტანა.

1.91 მეტრის სიმაღლის აბაშელი თავდამსხმელი სრულყოფილი ფორვარდია, რომელიც ძალით, სიზუსტითა და სტაბილურობით გამოირჩევა. გიორგი წიტაიშვილისა და გიორგი აბუაშვილის თანამემამულე მეცის შეტევას დიდი ამბიციითა და მონდომებით უერთდება." - წერია ფრანგული კლუბის განცხადებაში

„მართლა ძალიან ბედნიერი ვარ აქ ყოფნით და დიდი ენთუზიაზმით ველოდები ამ კლუბის მაისურით თამაშს. იმედი მაქვს, გუნდს მთავარი მიზნის მიღწევაში, ლიგაში დარჩენაში მაქსიმალურად დავეხმარები. ჩემმა თანამემამულეებმა მეცზე ძალიან კარგი ამბები მითხრეს.“ - განაცხადა ქვილითაიამ.