ოფიციალურად: საბა გოგლიჩიძე უოტფორდის ფეხბურთელია

უოტფორდის ოფიციალურმა გვერდმა საბა გოგლიჩიძის ტრანსფერი დაადასტურა.

"უოტფორდის იანვრის სატრანსფერო ფანჯარაში აქტივობა 193 სმ სიმაღლის მცველის, საბა გოგლიჩიძის იჯარით დამატებით გაგრძელდა.

21 წლის ქართველი ფეხბურთელი, გიორგი ჩაკვეტაძის თანაგუნდელი ნაკრებში, უდინეზედან უერთდება კლუბს და უოტფორდში 2025/26 წლების სეზონის დარჩენილი ნაწილის განმავლობაში ითამაშებს." - წერია ინგლისური კლუბის განცხადებაში.

უოტფორდს ქართველი მცველის სეზონის ბოლოს გამოსყიდვის უფლება არ ექნება და ისევ იტალიურ კლუბში დაბრუნდება.

Geo Team-ის ინფორმაციით, საბა გოგლიჩიძემ ინგლისის სამუშაო ვიზა მიიღო და უკვე ხვალ უოტფორდის ფეხბურთელის სტატუსით ივარჯიშებს.