უოტფორდის მთავარმა მწვრთნელმა, ხავი გრასიამ ინგლისური გუნდის თავკაცის პოზიცია დატოვა.
"კლუბი გულდაწყვეტითა და იმედგაცრუებით ადასტურებს მთავარი მწვრთნელის, ხავი გრასიას, გადადგომას.
ჩვენ კვლავ გვჯერა, რომ ხავი იყო ის სწორი ადამიანი, რომელიც კლუბს უნდა გაძღოლოდა დაწინაურებისთვის ბრძოლაში, თუმცა თავად ხავიმ მიიჩნია, რომ მას აღარ ჰქონდა საჭირო მოტივაცია და აღარ იყო შესაფერისი ადამიანი ამ საინტერესო, ახალგაზრდა ფეხბურთელების ჯგუფის გასაწვრთნელად.
ჩვენ პატივს ვცემთ მის გადაწყვეტილებას და ვიღებთ მის სურვილს, დაუყოვნებლივ დატოვოს ვიკარიჯ როუდი.
ჰალ სიტის წინააღმდეგ სამშაბათ საღამოს გასამართ მატჩში გუნდს ჩარლი დენიელსი, დენ გოსლინგი და ადრიან მარიაპა უხელმძღვანელებენ. ჩვენ კვლავ კარგ პოზიციაში ვართ ჩემპიონშიფში, პლეი-ოფის ზონას ოთხი ქულით ჩამოვრჩებით, გვაქვს ერთი მატჩი მარაგში და დარჩენილია 17 შეხვედრა.
კლუბის ყველა წევრს გულწრფელად სჯერა, რომ ამ შემადგენლობას ნამდვილად შეუძლია დაწინაურებისთვის ბრძოლა.
გვსურს მადლობა გადავუხადოთ ხავისა და მის სამწვრთნელო შტაბს კლუბში მუშაობისთვის. ვუსურვებთ მას და მის ოჯახს ყოველივე საუკეთესოს და უოტფორდში მათ ყოველთვის თბილად მივიღებთ." - წერია უოტფორდის განცხადებაში.
გიორგი ჩაკვეტაძის უოტფორდი ჩემპიონშიფში ჩატარებული 29 მატჩის შემდეგ 43 ქულით მე-10 ადგილზეა და პლეიოფის ზონაში მყოფ ვრექსემს, რომელსაც ერთი მატჩით მეტი აქვს ჩატარებული, 4 ქულით ჩამორჩება.
