შეთანხმება შედგა - გოგლიჩიძე იჯარით ინგლისში მიდის

Geo Team-ის ინფორმაციით, საბა გოგლიჩიძე სეზონის ბოლომდე კარიერას უოტფორდში გააგრძელებს.

ინგლისელები ქართველ მცველს იჯარის წესით, გამოსყიდვის უფლების გარეშე დაიმატებენ.

წყაროს ცნობით, საქმეში იყვნენ ფიორენტინა და ტორინოც, თუმცა უდინეზეს ფეხბურთელის სერია A-ს სხვა კლუბში გაშვება არ სურდა.

უდინეზესა და უოტფორდს ერთი მფლობელი ჰყავს, შესაბამისად, იტალიური კლუბი 21 წლის ცენტრალურ მცველს სათამაშო პრაქტიკისთვის ინგლისის ჩემპიონშიფში უშვებს.

ეს კი იმას ნიშნავს, რომ უოტფორდში ერთდროულად 3 ქართველი იასპარეზებს: გიორგი ჩაკვეტაძე, ნიკოლოზ ჩიქოვანი და საბა გოგლიჩიძე.