ჯუდ ბელინგემმა მორიგი ბრწყინვალე მატჩი ჩაატარა და დუბლით ინგლისის ნაკრები მსოფლიო ჩემპიონატის ნახევარფინალში გაიყვანა, ერლინგ ჰალანდი კი სახლში გაუშვა.
ინგლისელებმა ნორვეგია ექსტრა-ტაიმში 2:1 დაამარცხეს. ნორვეგიელები შელდერუპის გოლით დაწინაურდნენ, თუმცა ტაიმის ბოლოს ბელინგემმა ანთონი გორდონის პასით გაათანაბრა. დამატებით დროში კი მორგან როჯერსის დარტყმულს დაეუფლა და გამარჯვების გოლი შეაგდო.
ინგლისელთა შეფასებები ასე გადანაწილდა:
მეკარე და დაცვა
ჯორდან პიკფორდი (4/10): უცნაური შეცდომა დაუშვა, როცა პირველი გოლისას ხელი ჩაწევის ნაცვლად უკან გამოსწია. მეორე ტაიმშიც არადაჯერებული იყო.
ეზრი კონსა (6/10): დაცვაში კარგი მომენტები ჰქონდა, თუმცა პირველი გოლისას მეტოქეს ბოლომდე არ დაუხვდა.
ჯონ სტოუნსი (5/10): ტრავმის შემდეგ დაბრუნდა და ეტყობოდა, რომ ფორმაში არ არის. ბურთი რამდენჯერმე სახიფათოდ დაკარგა.
მარკ გეჰი (7/10): ჰოლანდის წინააღმდეგ ფიზიკურად კარგად იბრძოლა და ექსტრა-ტაიმში გუნდი აშკარა გოლს გადაარჩინა.
ნიკო ო'რაილი (6/10): შეტევაში გორდონს კარგად ეხმარებოდა, თუმცა დაცვაში მის ზონაში სივრცეები რჩებოდა.
ნახევარდაცვა
დეკლან რაისი (4/10): შეუძლოდ ყოფნის გამო ენერგია აკლდა. სტანდარტულებიც ცუდად შეასრულა და შესვენებაზე შეცვალეს.
ელიოტ ანდერსონი (8/10): შესანიშნავი მატჩი. მოედანზე ფიზიკურადაც დომინირებდა და პირველი საგოლე შეტევაც მან წამოიწყო.
ჯუდ ბელინგემი (10/10): ნამდვილი სუპერვარსკვლავი. აკონტროლებდა ყველაფერს და მორიგი მატჩი მარტომ მოიგო.
თავდასხმა
ნონი მადუეკე (4/10): კარგ პოზიციებში გადიოდა, მაგრამ გადამწყვეტ მომენტში ბოლო პასი აკლდებოდა. ტაიმში შეცვალეს.
ჰარი კეინი (5/10): მისი შეცდომის შემდეგ გაიტანა ნორვეგიამ, დარტყმებიც არაზუსტი ჰქონდა.
ანტონი გორდონი (7/10): ბელინგემს იდეალური საგოლე პასი მისცა და ფლანგზე მუდმივ საფრთხეს ქმნიდა.
შეცვლები და მწვრთნელი
ბუკაიო საკამ (7/10) და სპენსმა (7/10) თამაში გამოაცოცხლეს. მწვრთნელმა თომას ტუხელმა (7/10) სასტარტოში რაისისა და მადუეკეს დაყენებით შეცდომა დაუშვა, თუმცა შეცვლებზე რეაგირება დროულად მოახდინა.
