გამოცემა Sportico-ს მიხედვით, MLS-ის გუნდის საშუალო ღირებულება 767 მლნ აშშ დოლარს შეადგენს. ყველაზე ძვირი ლიონელ მესის ინტერ მაიამი ღირს, ხოლო ყველაზე იაფი - მონრეალი.
გასულ წელთან შედარებით, ზედა ხუთეულში ერთადერთი ცვლილებაა - ინტერ მაიამის ფასი წლიურად 22%-ით გაიზარდა, 1.45 მლრდ აშშ დოლარი გახდა და ლოს ანჯელესს პირველობა ჩამოართვა.
აღსანიშნავია, რომ მე-4 ადგილს ინარჩუნებს საბა ლობჟანიძის ატლანტა იუნაიტედი, რომლის ფრანჩაიზი ასევე მზარდია და ამჟამად 1.14 მლრდ აშშ დოლარად ფასდება.
MLS-ის ტოპ-10 ძვირადღირებული კლუბის სია ასეთია:
1. ინტერ მაიამი - 1.45 მლრდ აშშ დოლარი (წლიური ზრდა - 22%);
2. ლოს ანჯელესი - 1.4 მლრდ აშშ დოლარი (წლიური ზრდა - 9%);
3. ლოს ანჯელეს გალაქსი - 1.17 მლრდ აშშ დოლარი (წლიური ზრდა - 5%);
4. ატლანტა იუნაიტედი - 1.14 მლრდ აშშ დოლარი (წლიური ზრდა - 6%);
5. ნიუ იორკ სიტი - 1.12 მლრდ აშშ დოლარი (წლიური ზრდა - 12%);
6. სიეტლ საუნდერსი - 915 მლნ აშშ დოლარი (წლიური ზრდა - 11%);
7. ოსტინი - 910 მლნ აშშ დოლარი (წლიური ზრდა - 5%);
8. კოლამბუს ქრიუ - 800 მლნ აშშ დოლარი (წლიური ზრდა - 10%);
9. ცინცინატი - 790 მლნ აშშ დოლარი (წლიური ზრდა - 9%);
10. სან დიეგო - 760 მლნ აშშ დოლარი (MLS-ს 2025 წლიდან შეუერთდა).
თუკი Sportico-ს მიერვე გამოქვეყნებულ 2025 წლის ყველაზე ძვირადღირებული კლუბების სიას გადავხედავთ, ამ მონაცემებით, ინტერ მაიამი ამჟამად მსოფლიოს მე-14 ყველაზე ძვირადღირებული საფეხბურთო კლუბი გამოდის (თუმცა, ეს სია 2026 წლისთვის გასაახლებელია).
აქვე დავამატოთ ისიც, რომ MLS-ის 30-ვე კლუბის ჯამური ღირებულება 23 მლრდ აშშ დოლარს შეადგენს. ორგანიზაციის ყველაზე იაფი ფრანჩაიზი საფეხბურთო კლუბი მონრეალია - 430 მლნ აშშ დოლარი.
