მადრიდის რეალის, მანჩესტერის და ტოტენჰემის ყოფილი მცველი, სერხიო რეგილონი კარიერას ინტერ მაიამიში გააგრძელებს.
MLS-ის ახალგამომცხვარი ჩემპიონის რიგებში რეგილონი თავის თანამემამულეს, ჟორდი ალბას შეცვლის, რომელმაც სეზონის დასრულების შემდეგ საფეხბურთო კარიერა დაასრულა.
ტრანსფერი ფლორიდულმა კლუბმა უკვე ოფიციალურადაც დაადასტურა — რეგილონი გუნდს თავისუფალი აგენტის სტატუსით შეუერთდა.
ფაბრიციო რომანოს ინფორმაციით, რეალის აღზრდილ ფეხბურთელს მაგიდაზე რამდენიმე შემოთავაზება ჰქონდა, თუმცა მან უპირატესობა სწორედ ინტერ მაიამის მიანიჭა.
28 წლის რეგილონს გასულ ზაფხულს ტოტენჰემთან კონტრაქტი ამოეწურა და ის ბოლო თვეების განმავლობაში უკლუბოდ იყო.
