"იქ წასვლა არ მინდოდა" - აზარი პსჟ-ში გადასვლაზე

ედენ აზარმა წლების წინ პსჟ-ის მხრიდან მისი გაფორმების ინტერესზე ისაუბრა.

„პსჟ შესანიშნავი კლუბია. ნასერ ალ-ხელაიფი მოდიოდა, იყო დიდი ფინანსები და მათ ყოველთვის ჰყავდათ გუნდი, რომელსაც ჩემპიონთა ლიგაზე თამაში შეეძლო.

რადგან ჩელსიში ყველაფერი ძალიან კარგად მიდიოდა, ჩემი შემდეგი ოცნება რეალში გადასვლა იყო და არა პსჟ-ში წასვლა და შემდეგ რეალში გადასვლა.

პსჟ-სთან კონტაქტი ყოველწლიურად მქონდა. მაგრამ ჩემს გონებაში ყველაფერი ძალიან მკაფიო იყო. როცა ლილი დავტოვე, საკუთარ თავს ვუთხარი: ‘არ მსურდა საფრანგეთში დაბრუნება სხვა რომელიმე კლუბში სათამაშოდ, გარდა ლილისა.’

,,თუ ოდესმე დავბრუნდები, ეს იქნება ლილში სათამაშოდ, მაგალითად, კარიერის დასასრულებლად.“ ლილის ხალხისთვის, ჩრდილოეთისთვის, არ მინდოდა პსჟ-ში წასვლა.“ - განაცხადა ბელგიელმა.

ედენ აზარი ლილში 2007-2012 წლებში თამაშობდა და ფრანგულ გუნდთან ერთად ლიგა 1-ისა და საფრანგეთის თასის გამარჯვებულიც გახდა.