სერბეთის ქალაქ ჟრეიანინში მიმდინარე თავისუფალი ჭიდაობის 23-წლამდელთა ევროპის ჩემპიონატზე, საბა კობახიძემ საპრიზო ადგილი დაიკავა.
74 კგ. წონით კატეგორიაში, კობახიძემ ასპარეზობა 1/4 ფინალიდან დაიწყო და საფრანგეთის სახელით მოასპარეზე სეიფულა იტაევთან დამარცხდა (იტაევი შემდეგ ტურნირის ჩემპიონი გახდა) და გამოსვლა რეპეშაჟში გააგრძელა.
შვეიცარიელ ფლორიან რომან ბისიგს 10:0 მოუგო, ხოლო უშუალოდ ბრინჯაოს მედლისთვის ბრძოლაში აზერბაიჯანელ აღანაზარ ნოვრუზოვს 7:4 აჯობა.
ნაკრებისთვის მიმდინარე ტურნირზე მე-4 მედალია - ნიკოლოზ ბოჭორიშვილმა (57 კგ.), გიორგი გოგრიჭიანმა (79 კგ.) და კონსტანტინე პეტრიაშვილმა (97 კგ.) ასევე ბრინჯაოს მედალი მოიპოვეს.
