ისკოს დაბრუნება - ესპანეთის ნაკრების განაცხადი ერთა ლიგის მატჩებისთვის

ესპანეთის ნაკრების მთავარმა მწვრთნელმა, ლუის დე ლა ფუენტემ ივნისში გასამართი უეფას ერთა ლიგის მატჩებისთვის 26-კაციანი განაცხადი დაასახელა.

მეკარეები: უნაი სიმონი (ბილბაო), დავიდ რაია (არსენალი), ალექს რემირო (სოსიედადი)

მცველები: პედრო პორო (ტოტენემი), მინგესა (სელტა), ლე ნორმანი (ატლეტიკო), პაუ კუბარსი (ბარსელონა), ვივიანი (ბილბაო), ჰაუსენი (რეალი), გრიმალდო (ლევერკუზენი), კუკურელია (ჩელსი)

ნახევარმცველები: სუბიმენდი (სოსიედადი), მერინო (არსენალი), პედრი (ბარსელონა), გავი (ბარსელონა), ფერმინი (ბარსელონა), ისკო (ბეტისი), ალექს ბაენა (ვილიარეალი), ფაბიან რუისი (პსჟ)

შემტევები: ლამინ იამალი (ბარსელონა), ნიკო უილიამსი (ბილბაო), იერემი პინო (ვილიარეალი), სამუ ომოროდიონი (პორტო), დანი ოლმო (ბარსელონა), მორატა (გალათასარაი), ოიარსაბალი (სოსიედადი).

6-წლიანი პაუზის შემდეგ ფურია როხას განაცხადს 33 წლის ისკო ალარკონი დაუბრუნდა. ბეტისის ნახევარმცველმა ნაკრების მაისურით ბოლო მატჩი 2019 წელს შვედეთის წინააღმდეგ ჩაატარა.

ერთა ლიგის ნახევარფინალში ესპანეთი 5 ივნისს საფრანგეთს დაუპირისპირდება, ფინალში ან მე-3 ადგილისთვის მატჩში კი მეტოქე პორტუგალია ან გერმანია იქნება.