ისტორიაში პირველად! - ნაკრებმა ევროზე ახალი პირადი რეკორდი დაამყარა

საქართველოს ნაკრებმა ძიუდოს ევროპის ჩემპიონატებზე ახალი პირადი რეკორდი დაამყარა.

თბილისში გამართულ ევროპირველობაზე, ლაშა გუჯეჯიანის გუნდმა 4 ოქროს მედალი მოიპოვა, რაც ჩვენს ნაკრებს ევროს ერთ ტურნირზე აქამდე არასდროს გაეკეთებინა - ახალი ისტორია დაიწერა!

კვარცხლბეკის უმაღლეს საფეხურზე ეთერ ლიპარტელიანი (-57 კგ.), ლაშა შავდათუაშვილი (-73 კგ.), ლუკა მაისურაძე (-90 კგ.) და გურამ თუშიშვილი ავიდნენ.

ასევე დიდი ამბავია, რომ საქართველოს ნაკრებმა ტურნირი 7 მედლით დაასრულა და საერთო ჩათვლაში პირველი ადგილი დაიკავა - 4 ოქრო, 2 ვერცხლი, 1 ბრინჯაო. მეორე ადგილზე საფრანგეთის ნაკრები გავიდა (2 ოქრო, 4 ვერცხლი, 6 ბრინჯაო), ხოლო მესამე პოზიცია რუსეთს ერგო - 2 ოქრო, 1 ვერცხლი, 4 ბრინჯაო.

ტრიუმფი! - საქართველომ მედლების საერთო ჩათვლაში პირველი ადგილი დაიკავა