VIDEO: მეტოქის ქამბექი ენფილზე - ლივერპულმა ფრანგულ კლუბთან დიდი უპირატესობა გაანიავა
2 სთ წინ · 0 წთ წასაკითხად
-
Aa
+
ფონტის ზომა
გიორგი მამარდაშვილის ლივერპულმა ამერიკულ ტურნეში პირველი ამხანაგური მატჩი გამართა და მონაკოსთან 2:3 დამარცხდა.
მერსისაიდელთა კარს პირველ ტაიმში ალისონ ბეკერი იცავდა - შესვენებისას, 2:1-ზე კი, მოედანზე მამარდაშვილი შეიყვანეს.
ანდონი ირაოლამ თანდათან ლიდერები კიდევ შეცვალა (ვან დაიკი, გაკპო, გრავენბერხი, ვირცი), რაც გუნდის თამაშზე აისახა - მთელ მეორე ტაიმში ლივერმა კარისკენ ერთხელ დაარტა და მხოლოდ 0.07 XG ჰქონდა.
მამარდას ზუსტად კარში 5-ჯერ დაურტყეს, 3 სეივი შეასრულა, თუმცა 2 გოლი გაუშვა და მისმა გუნდმა შეხვედრა 2:3 მარცხით დაასრულა.
არადა, ლივერი 2:0-ს იგებდა - ალექსანდრ ისაკმა გოლი და ასისტი მიითვალა, ვირცმა გოლი შეაგდო და გრავენბერხს ასისტი ჰქონდა. მონაკოელებმა ქამბექი ალექსანდრ გოლოვინის პენალტიდან გატანილი გოლით დაიწყეს.
ლივერპულელები ამერიკაში კიდევ ორ ამხანაგურ თამაშს ჩაატარებენ, თანაც, ორივეს ერთ დღეს და ერთ მეტოქესთან - 16 აგვისტოს, ცესკ ფაბრეგასის გაწვრნილ კომოსთან.
