VIDEO: 2 წუთის დრამა თინეიჯერი შემტევის სადებიუტო გოლით - რა სცენარია?!
1 სთ წინ · 0 წთ წასაკითხად
-
Aa
+
ფონტის ზომა
ეროვნული ლიგის მე-20 ტურის შეხვედრაში, დინამო თბილისმა თანაქალაქელი სპაერი სტუმრად 2:1 დაამარცხა და ლიდერ იბერია 1999-ს მინიმუმამდე მიუახლოვდა.
არადა, მატჩს სპაერი იგებდა - 31-ე წუთზე, ლაშა კოხრეიძემ ახლო მანძილიდან გაიტანა. ამის შემდეგ გუნდებმა კიდევ რამდენიმე ძალიან რეალური მომენტი გაცვალეს, თუმცა 73-ე წუთამდე ანგარიში აღარ შეცვლილა.
დინამოელებმა 2-წუთიან ინტერვალში 2 გოლი შეაგდეს, რითაც თამაშის ბედი გადაწყდა - ჯერ 18 წლის კობა კაკაშვილმა ეროვნულ ლიგაში თავისთვის სადებიუტო გოლი შეაგდო, რასაც 37 წლის მათე ვაწაძის გოლი მოჰყვა.
აღსანიშნავია, რომ კაკაშვილი მთავარ გუნდში თემურ ქეცბაიამ დააწინაურა - სუპერ თასის ორივე მატჩში მიიღო მონაწილეობა, შემდეგ ევროტურნირების 4-ვე შეხვედრაში ითამაშა, ეროვნულ ლიგაში ჩატარებულ მე-2 თამაშში კი გოლიც მიითვალა.
რაც შეეხება ვაწაძეს, მიმდინარე ჩემპიონატში მე-6 გოლი შეაგდო და მთავარ ბომბარდირ ველისოლს (სამგურალი) 3 გოლით ჩამორჩება.
დინამო თბილისმა 34 ქულა მოაგროვა, იბერია 1999-ს გაუთანაბრდა და ლიდერ რუსთავთან მხოლოდ 1-ქულიან დისტანციაშია. სათქმელია, რომ იბერიას, ორივესთან მიმართებით, თამაშით ნაკლები აქვს.
მომდევნო, 21-ე ტურის ეგიდით, დინამოელთა მეტოქე სწორედ რუსთავი იქნება - თამაში მიხეილ მესხის სახელობის სტადიონზე, 15 აგვისტოს გაიმართება. სპაერი ერთ-ერთ კონკურენტ გაგრას ესტუმრება - 17 აგვისტოს.
