ისტორიაში პირველად - რა მიღწევას აფიქსირებს იაია ტურე?

იაია ტურე ჩემპიონთა ლიგის პირველ ტურში, პარი სენ-ჟერმენის წინააღმდეგ, ტურნირის ისტორიას დაწერს.

ის გახდება პირველი აფრიკელი მწვრთნელი, რომელიც გუნდს ტურნირის ძირითად ეტაპზე უხელმძღვანელებს.

43 წლის კოტ-დ’ივუარელმა ლეგენდამ სლოვან ბრატისლავა მხოლოდ ამ ზაფხულს ჩაიბარა. ეს მისთვის მთავარი მწვრთნელის რანგში პირველი სამუშაოა, თუმცა მან სლოვაკეთის ჩემპიონი საკვალიფიკაციო ეტაპები წარმატებით გაატარა და ჩემპიონთა ლიგაზე გაიყვანა.

სლოვანმა საკვალიფიკაციო ეტაპზე მათ შორის იბერია 1999-ის ბარიერიც გაიარა და საბოლოოდ ძირითად ეტაპზეც მოხვდა.

ახლა კი ტურეს, როგორც მწვრთნელს, ჩემპიონთა ლიგაზე სადებიუტო მატჩი პარკ დე პრენსზე, მოქმედი ჩემპიონის, პარი სენ-ჟერმენის წინააღმდეგ ელის.

2009 წელს მან ბარსელონასთან ერთად ჩემპიონთა ლიგა როგორც ფეხბურთელმა მოიგო, 17 წლის შემდეგ კი ისტორიას უკვე როგორც მწვრთნელი წერს.

შეგახსენებთ, რომ იაია ტურემ სლოვანის მთავარი მწვრთნელის პოსტზე საქართველოს ნაკრების ყოფილი თავკაცი, ვლადიმერ ვაისი, ჩაანცვლა, რომელმაც კარიერა სლოვაკეთის ეროვნულ გუნდში გააგრძელა.