დავიდ რაიამ ვესტ ჰემთან მორიგი ბრწყინვალე მატჩი ჩაატარა, სადაც მისმა სეივმა არსენალს უმნიშვნელოვანესი გამარჯვება მოუტანა.
ამ მშრალი მატჩით ესპანელმა მეკარემ ზედიზედ მესამედ მოიპოვა პრემიერ ლიგის ოქროს ხელთათმანი, რითაც პეპე რეინასა და ჯო ჰარტის მიღწევა გაიმეორა.
2023 წელს ბრენტფორდიდან გადმოსვლის შემდეგ, რაიამ არსენალის მაისურით ჩატარებულ 106 შეხვედრაში 47-ჯერ შეინახა კარი მშრალად. ეს 44.3%-ს შეადგენს, რაც მას პრემიერ ლიგის ისტორიაში მეხუთე ადგილზე აყენებს იმ მეკარეებს შორის, რომელთაც ერთ კლუბში მინიმუმ 50 მატჩი აქვთ ჩატარებული.
ამ მაჩვენებლით რაია სულ ცოტათი ჩამორჩება ლეგენდარულ პიტერ შმეიხელს (44.4%). რეიტინგის სათავეში კი ჩეხი იმყოფება, რომელმაც ჩელსიში გამოსვლისას მატჩების 48.6%-ში არ გაუშვა გოლი. მას მოჰყვებიან ედვინ ვან დერ სარი და პეპე რეინა.
აღსანიშნავია, რომ რაიას ეს სტატისტიკა კიდევ უფრო შთამბეჭდავია იმ ფონზე, რომ მან არსენალში სულ რაღაც სამი სეზონის განმავლობაში შეძლო ელიტარულ მეკარეებს შორის ადგილის დამკვიდრება.
