ლესტერ სიტის 18 წლის ნიჭიერი ნახევარმცველი, ლუის პეიჯი, რომელსაც ახალ ჯუდ ბელინგემს უწოდებენ, სატრანსფერო ჭორების ეპიცენტრში მოექცა.
ინგლისური კლუბის ახალგაზრდა ვარსკვლავით, რომელმაც გასულ სეზონში EFL Apprentice of the Year ჯილდო მოიპოვა, არსენალი და ასტონ ვილა ინტერესდებიან, თუმცა მანჩესტერ იუნაიტედი მთავარი ფავორიტია.
მარცხნივ მოთამაშე ცენტრალურ ნახევარმცველს, რომელმაც ლესტერის შემადგენლობაში უკვე 21 მატჩი ჩაატარა და ინგლისის 20-წლამდელთა ნაკრებშიც თამაშობს, ბავშვობიდან მანჩესტერ იუნაიტედი უყვარს.
ეს ფაქტორი წითელ ეშმაკებს კონკურენტებთან შედარებით დიდ უპირატესობას ანიჭებს.
ვინაიდან ფეხბურთელს კლუბთან პროფესიონალური კონტრაქტი აკავშირებს, დაინტერესებულმა მხარეებმა ლესტერთან თანხაზე შეთანხმება უნდა მიაღწიონ.
