იუნაიტედი ნახევარდაცვის გამდიდრებას გეგმავს

ტედი შერინგემის აზრით, მანჩესტერ იუნაიტედს ამ ზაფხულს ნოტინგემ ფორესტიდან ელიოტ ანდერსონისა და მორგან გიბს-უაითის შეძენის რეალური შანსი აქვს.

წითელი ეშმაკების ყოფილი თავდამსხმელი გიბს-უაითის დიდი გულშემატკივარია. მან ფეხბურთელი „უმაღლესი დონის მოთამაშედ“ დაახასიათა და აღნიშნა, რომ ნახევარდაცვაში ის საჭირო აგრესიით გამოირჩევა.

ინგლისის ნაკრების წევრი უკვე დიდი ხანია ნოტინგემ ფორესტის ერთ-ერთი უმნიშვნელოვანესი ფიგურაა. ამ სეზონში მის ანგარიშზე, ყველა ტურნირზე ერთად, შთამბეჭდავი 15 გოლი და 5 საგოლე გადაცემაა.

შერინგემი მიიჩნევს, რომ ის თავისი თანაგუნდელისგან, ანდერსონისგან განსხვავებული სტილის მოთამაშეა, თუმცა სჯერა, რომ მათი ფასი კლუბისთვის ხელმისაწვდომი იქნება და ეს წყვილი მანჩესტერ იუნაიტედის ნახევარდაცვას კარგად შეავსებს.

ზაფხულში იუნაიტედის ნახევარდაცვის გაძლიერების გეგმებზე საუბრისას, შერინგემმა TEAMtalk-ს განუცხადა:

ძალიან მომწონს ანდერსონი ნოტინგემ ფორესტში, ასევე ძალიან მომწონს გიბს-უაითი. როდესაც მისით ტოტენჰემი იყო დაინტერესებული, ძალიან აღფრთოვანებული ვიყავი. მესმის, ფორესტმა ის რატომ არ გაუშვა, რადგან ის მაღალი კალიბრის მოთამაშეა.

ის ანდერსონისგან ძალიან განსხვავდება - წინ მიიწევს, აქვს დიდი შეუპოვრობა, უყვარს ორთაბრძოლები და მასში ყოველთვის ჩანს აგრესია და გამარჯვების სურვილი. ვფიქრობ, ის უმაღლესი დონის მოთამაშეა. ანდერსონისგან განსხვავებული სტილი აქვს, მაგრამ ისინი ფორესტის ნახევარდაცვაში ერთმანეთს იდეალურად ავსებენ.