ჯეიკ პოლმა განაცხადა, რომ კანელო ალვარესთან სუპერ-ბრძოლის გასამართად ფარული მოლაპარაკებები განაახლა და მას 200 მილიონი დოლარი შესთავაზა.
პოლი ამჟამად კრიტიკული სამედიცინო კვლევის პასუხს ელოდება, რამაც შესაძლოა მისი სპორტული კარიერის დასრულება გამოიწვიოს. მიუხედავად ამისა, ის ამტკიცებს, რომ ალვარესი ტელეფონით ბრძოლაზე დათანხმდა.
გასული წლის დეკემბერში ენტონი ჯოშუასთან ნოკაუტით მარცხის შემდეგ, პოლს ყბა ჰქონდა გატეხილი და მას შემდეგ ექვსი თვის განმავლობაში არ უსპარინგია.
გასულ წელს მხარეებს შორის კონტრაქტის პროექტი უკვე მზად იყო, თუმცა შეთანხმება მას შემდეგ ჩაიშალა, რაც კანელომ არჩევანი ტერენს კროუფორდთან ბრძოლაზე შეაჩერა.
პოლის მედიაკომპანია Betr-ის მიერ გავრცელებულ ვიდეოში ის ამბობს, რომ ეს კრივის ისტორიაში ყველაზე დიდი ბრძოლა იქნება, თუმცა მისი მომავალი მთლიანად დამოკიდებულია სამედიცინო სკანირების შედეგებზე, რომლებმაც უნდა განსაზღვროს, შეძლებს თუ არა ის რინგზე დაბრუნებას.
პარალელურად, ჯეიკ პოლმა მიიღო პრეზიდენტ დონალდ ტრამპის მხარდაჭერა, რამაც საზოგადოებაში მისი შესაძლო პოლიტიკური ამბიციების შესახებ გამოიწვია დისკუსია.
