ჯოკოვიჩმა ალკარასი 4 სეტში დაამარცხა და მე-11 ავსტრალიისთვის ბრძოლას აგრძელებს

ნოვაკ ჯოკოვიჩმა კარლოს ალკარასი დაამარცხა და ავსტრალიან ოუფენის 1/2 ფინალში გავიდა.

შეხვედრა 3 საათსა და 35 წუთს გაგრძელდა და სერბის გამარჯვებით 4:6 6:4 6:3 6:4 დასრულდა.

პირველ სეტში ნოვაკს ჯანმრთელობის პრობლემები ჰქონდა და სამედიცინო ტაიმაუტიც აიღო, თუმცა შემდეგ ყველაფერი უკან მოიტოვა და ესპანელი გამოცდილების ხარჯზე დაჯაბნა.

1/2 ფინალში ნოვაკის მეტოქე გერმანელი ალექსანდრ ზვერევი იქნება, რომელმაც დღეს ასევე ოთხ სეტში ამერიკელი ტომი პოლი გაუშვა სახლში.

შეხვედრა 24 იანვარს გაიმართება. 

საინტერესოა, რომ ალკარასს 4 გრენდ სლემი აქვს უკვე მოგებული, თუმცა ავსტრალიაში 1/2 ფინალშიც არასდროს გასულა.