იანიკ სინერმა ავსტრალიის ღია პირველობა ზედიზედ მეორედ მოიგო!

მსოფლიო რეიტინგის ლიდერი, იტალიელი იანიკ სინერი ავსტრალიის ღია პირველობის ჩემპიონი ზედიზედ მეორედ გახდა.

გადამწყვეტ შეხვედრაში სინერმა გერმანელი ალექსანდრ ზვერევის წინააღმდეგობა სამ სეტში, 6:3 7:6 (4) 6:3 გატეხა და კარიერაში მესამე გრენდ სლემი მოიგო.

მთელი მატჩის განმავლობაში ზვერევს მეტოქის მოწოდებაზე ერთი ბრეიკ-პოინტიც კი არ ჰქონია. 

ჰარდ კორტზე მიმდინარე გრენდ სლემებზე სინერს ზედიზედ 21 გამარჯვება დაუგროვდა - ორი ავსტრალიის გარდა, მან შარშან ამერიკის ღია პირველობის მოგებაც შეძლო.

რაც შეეხება ზვერევს, მან კარიერაში მესამე გრენდ სლემის ფინალი წააგო და კვლავ უტიტულოდ დარჩა.