ზვერევი: "ტრავმირებულ ნოვაკსაც კი ძლივს მოვუგე სეტი, ის ზედმეტად მაგარია ამ სპორტისთვის"

ალექს ზვერევმა ნოვაკ ჯოკოვიჩთან მატჩის შემდეგ საინტერესო კომენტარი გააკეთა.

როგორც იცით, ავსტრალიის ღია პირველობის 1/2 ფინალში გერმანელმა სერბს პირველი სეტი ტაი-ბრეიკზე მოუგო, რის შემდეგაც ნოლემ ტრავმის გამო თამაშის გაგრძელება ვერ მოახერხა.

„ტურნირზე ერთ-ერთი საუკეთესო სეტი ჩავატარე ტრავმირებული ნოვაკის წინააღმდეგ და ტაი-ბრეიკზე ძლივს მოვუგე. არ ვიცი, შეიძლება არ ვარ საკმარისად კარგი.

ან შესაძლოა, ნოვაკია ამ სპორტისთვის ზედმეტად ძლიერი." - აღნიშნა ზვერევმა.

შეგახსენებთ, რომ ავსტრალიის ღია პირველობა ისტორიაში ყველაზე მეტჯერ (10) სწორედ ჯოკოვიჩს აქვს მოგებული.