NBC-სთან ინტერვიუში ლიონელ მესის ჰკითხეს თუ ვინ არიან სპორტის სხვა სახეობების GOAT-ები (ყველა დროის საუკეთესოები).
"შენ ხარ ფეხბურთის GOAT, მაგრამ სხვა სპორტებში ვინ არიან GOAT-ები?"
„ფეხბურთში არგენტინელებისთვის მარადონა ყოველთვის იყო ის ერთადერთი, ჩვენი უდიდესი ლეგენდა, საუკეთესო მოთამაშე იმ ყველაფრისთვის, რასაც ის წარმოადგენდა ჩვენთვის. მიუხედავად იმისა, რომ პატარა ვიყავი, დიეგო ყველაფერს სცდებოდა, ის რაღაც უფრო დიდი იყო, ვიდრე საზღვრები.
თუ სხვა სპორტზე ვისაუბრებთ, ვფიქრობ, მსგავსად იყო მაიკლ ჯორდანიც. ასევე ძალიან ვაფასებ ჩოგბურთელებს, როგორიც არის რაფა ნადალი. ვფიქრობ, ამ სამმა - ნადალი, ფედერერი, ჯოკოვიჩი - ერთმანეთთან კონკურენციით კიდევ უფრო დიდი გახადეს ეს სპორტი.
არ ვიცი, დარწმუნებული ვარ, ბევრი სპორტსმენი გამომრჩა, მაგრამ რამდენიმე რომ გამოვყო, ალბათ, ამათ ავირჩევდი…
კალათბურთში, მაგალითად, ლებრონ ჯეიმსი და სტეფ კარი ის მოთამაშეები არიან, რომლებსაც ძალიან ვაფასებ და ვფიქრობ, რომ მათ დიდი წვლილი შეიტანეს თავიანთ სპორტში.“ - განაცხადა არგენტინელმა.
