მაიკლ კერიკის მანჩესტერ იუნაიტედში დარჩენის შანსები კვლავ არც ისე მაღალია.
Sky Sports-ის ინფორმაციით, კლუბის ხელმძღვანელობა აღფრთოვანებულია დროებითი მწვრთნელის მუშაობით და მას გრძელვადიანი კონტრაქტის ერთ-ერთ კანდიდატად იმ შემთხვევაში განიხილავს, თუ შედეგები კვლავაც ასეთივე კარგი იქნება და გუნდს მომავალ სეზონში ჩემპიონთა ლიგაზე თამაშის საშუალებას მისცემს.
თუმცა, ამ ეტაპზე მანჩესტერ იუნაიტედში უპირატესობას უფრო გამოცდილ სპეციალისტებს ანიჭებენ, რომლებმაც უკვე დაამტკიცეს, რომ ელიტურ გუნდებში არსებულ წნეხთან გამკლავება შეუძლიათ.
ხელმძღვანელობა არჩევნის გაკეთებას არ ჩქარობს, განსაკუთრებით იქამდე, სანამ იუნაიტედი კარგად ასპარეზობს. პოტენციური კანდიდატებიდან ჯერჯერობით კონტაქტი არავისთან ყოფილა — ძირითადი სამუშაოები სეზონის ბოლოსკენ წარიმართება.
თუ მაინც და მაინც სახელებზე მიდგა საქმე — პრესაში ყველაზე აქტიურად რობერტო დე ძერბის და თომას ტუხელის ვარიანტებზე წერენ.
