ტოტენჰემის ყოფილმა მწვრთნელმა, ენჟ პოსტეკოგლუმ განაცხადა, რომ ლონდონურ კლუბს „დიდ გუნდს“ ვერ უწოდებს.
„ცხადია, ტოტენჰემმა ააშენა წარმოუდგენელი სტადიონი და საწვრთნელი ბაზები. მაგრამ თუ შეხედავთ ხარჯებს, განსაკუთრებით კი სახელფასო სტრუქტურას, ეს არ არის ტოპ-კლუბი. მე ეს საკუთარი თვალით ვნახე, რადგან ჩვენ ვერ გავდიოდით ბაზარზე იმ ფეხბურთელების მოსაყვანად, რომლებიც გვჭირდებოდა.
„ფინალამდე ვიცოდი, რომ წასული ვიყავი", — პოსტეკოგლუ ტოტენჰემიდან გაშვებაზე
ვცადე ტოტენჰემის მენტალიტეტი გამეტეხა. ჩემი ყველა საუბარი მეორე წელს ტიტულის მოგებაზე სწორედ კლუბისთვის იყო საჭირო. კლუბის შიგნით ამის თქმას ვერავინ ბედავდა — იმიტომ, რომ ზედმეტად ეშინოდათ. ისინი ადრეც რამდენჯერმე იყვნენ ტიტულთან ახლოს.
ჩვენ კი ეს ბარიერი დავძლიეთ და რაღაც მოვიგეთ. და რა გააკეთეს მათ? ყველაფერი დაანგრიეს და თავიდან დაიწყეს. საინტერესოა, რისი მიღწევა სურთ?“ – განაცხადა პოსტეკოგლუმ პოდკასტში.
