ენჟ პოსტეკოგლუმ განაცხადა, რომ გასული სეზონის ევროპა ლიგის ფინალამდე იცოდა, რომ თანამდებობიდან გაათავისუფლებდნენ.
„ვიცოდი, რომ წასული ვიყავი. ვფიქრობ, იანვრის ბოლოს ან თებერვლის დასაწყისშივე მივხვდი ამას.
ჩემს სამწვრთნელო შტაბს ვუთხარი: ნახეთ, ჩვენ ევროპა ლიგის მეოთხედფინალში ვართ, ვფიქრობ, შეგვიძლია მისი მოგება, რაც არა მხოლოდ ტიტულს, არამედ ჩემპიონთა ლიგის საგზურსაც ნიშნავს. ვუთხარი, რომ რეალურად „ჩაფხუტები უნდა დაეხურათ“, რადგან ყოველ კვირას კრიტიკის ქარცეცხლში ვიქნებოდით. ამაზე პასუხისმგებლობა ჩემს თავზე ავიღე“, — აღნიშნა პოსტეკოგლუმ.
ანჟმა ასევე გაუმხილა თანამშრომლებს, რომ მისი რწმენით, თუ გუნდი ევროპა ლიგის ნებისმიერ ეტაპზე გამოეთიშებოდა ასპარეზობას, ეს ტოტენჰემში მის ყოფნას მყისიერად დაასრულებდა.
პოსტეკოგლუ ასევე ჩამოაშორეს 2025/26 წლების სეზონის სატრანსფერო ფანჯრისა და წინასასეზონო სამზადისის განხილვებს: „ეს გადაწყვეტილება ნორმალური იყო, თუმცა მე არ მესმოდა! ნებისმიერ შემთხვევაში, არ მინდოდა ყურადღება გამეფანტა. მთლიანად ევროპა ლიგის მოგებაზე ვიყავი კონცენტრირებული“.
