რობერტო დე ძერბი, რომელმაც დღეს მარსელი ოფიციალურად დატოვა, შესაძლოა ტოტენჰემის ახალი მთავარი მწვრთნელი გახდეს.
11 თებერვალს ლონდონურმა კლუბმა ოფიციალურად ტომას ფრანკის გაშვება ოფიციალურად დაადასტურა. გუნდმა პრემიერ ლიგაში ბოლო რვა მატჩიდან ვერცერთის მოგება ვერ შეძლო და სატურნირო ცხრილში მე-16 ადგილამდე დაქვეითდა.
ფრანკის გათავისუფლების შემდეგ, ბუკმეიკერებმა მისი შემცვლელის მთავარი ფავორიტების სია გამოაქვეყნეს, სადაც სწორედ დე ძერბი იკავებს პირველ ადგილს.
კანდიდატთა შორის ასევე ფიგურირებს გუნდის ყოფილი მწვრთნელი მაურიციო პოჩეტინო, რომლის დაბრუნებასაც გულშემატკივართა ნაწილი დიდი ხანია ითხოვს. მათ გარდა, სავარაუდო ვარიანტებად ჯონი ჰეიტინგა და ჩავი ერნანდესი სახელდებიან. სიაში ასევე მოხვდნენ რუბენ ამორიმი და ჩაბი ალონსო, თუმცა მათი დანიშვნის შანსები ამ ეტაპზე შედარებით ნაკლებია.
დე ძერბის პრემიერ ლიგაში მუშაობის გამოცდილება აქვს, 2022-ში მან ბრაიტონის სათავეში ჩელსიში წასული გრემ პოტერი ჩაანაცვლა და გუნდში გატარებულ ორ წელიწადში საკმაოდ კარგი შთაბეჭდილება დატოვა, რის შემდეგაც მის დანიშვნას სხვადასხვა ევროპული გრანდები განიხილავდნენ, თუმცა საბოლოოდ მან არჩევანი ფრანგულ მარსელზე შეაჩერა, სადაც არასრული ორი წელი იმუშავა და თანამდებობა დღეს, გაუარესებული შედეგების ფონზე დაატოვებინეს.
