მანჩესტერ სიტის მთავარმა მწვრთნელმა, პეპ გვარდიოლამ ერლინგ ჰალანდის შედეგიანობის კლებაზე ისაუბრა.
პრემიერ ლიგის ბოლო 8 მატჩში ნორვეგიელმა ფორვარდმა მხოლოდ 2 გოლი გაიტანა.
„ერლინგის პრობლემა ის არის, რომ მას საკუთარ მაჩვენებლებთან და მოლოდინებთან უწევს გამკლავება. ამის გაკეთება მრავალი წლის განმავლობაში ძალიან რთულია და მისთვის ეს ნამდვილი გამოწვევაა. როცა სეზონში შენგან მხოლოდ ხუთ გოლს ელიან, გაუმჯობესება უფრო მარტივია.
ტრებლი მისი მოსვლის წყალობით მოვიგეთ. პირველ სეზონში იმდენი გაიტანა, რომ მოლოდინი ძალიან გაიზარდა. თუ ის ოთხ ან ხუთ მატჩში გოლს ვერ იტანს, ეს უბრალოდ შემთხვევითობაა.
არ უნდა დაგვავიწყდეს, რომ მიუხედავად ბოლო მატჩების სტატისტიკისა, სწორედ მისი დამსახურებაა, რომ ახლა აქ ვართ. სეზონის 3/4-ში რომ ვერ ახერხებდეს გოლების გატანას, არ ვიცი, სხვა ვინ გააკეთებდა ამას მის ნაცვლად.
ჩვენ ღირსეული პოზიციები გვიჭირავს ჩემპიონთა ლიგაზე და განსაკუთრებით პრემიერ ლიგაში, რაც ერლინგის გარეშე შეუძლებელი იქნებოდა“, – განაცხადა გვარდიოლამ.
