მანჩესტერ იუნაიტედის ყოფილმა თავდამსხმელმა, უეინ რუნიმ იმ გულშემატკივრის შესახებ ისაუბრა, რომელიც პირობას დებს, რომ მანამ არ შეიჭრის თმას, სანამ მისი საყვარელი გუნდი ზედიზედ 5 მატჩს არ მოიგებს.
გუშინ მაიკლ კერიკის გუნდმა პრემიერ ლიგის 26-ე ტურში ვესტ ჰემთან ფრე ითამაშა (1:1), რითაც 4-მატჩიანი მოგებათა სერია შეწყვიტა. შესაბამისად, გულშემატკივარ ფრენკ ილეტის „ჩელენჯი“ კვლავ განულდა.
თამაშის წინ რუნის ჰკითხეს, თავად თუ გაკრიჭავდა ფანს, იუნაიტედს რომ მოეგო.
„ქვეყნის მეორე ბოლოში გავაგზავნიდი. ნერვებს მიშლის. ჩვენ ვსაუბრობთ მაიკლ კერიკზე და მანჩესტერ იუნაიტედზე, რომლებიც ზედიზედ მეხუთე მატჩის მოგებას ცდილობენ, ყველაფერი კი ამ ბიჭის ვარცხნილობამდე დადის.
დარწმუნებული ვარ, იუნაიტედმა რომ მოიგოს, ის განადგურებული იქნება, რადგან მისი პერსონა აღარავის დააინტერესებს“, — განაცხადა რუნიმ ერთ-ერთ პოდკასტში.
