ხამეს როდრიგესი ჰოსპიტალიზებულია

კოლუმბიის ნაკრებისა და მინესოტა იუნაიტედის 34 წლის ნახევარმცველი, ხამეს როდრიგესი, საფრანგეთთან ამხანაგური მატჩის (1:3) შემდეგ საავადმყოფოში გადაიყვანეს.

ფეხბურთელი მოედანზე სასტარტო შემადგენლობაში გამოვიდა და 63-ე წუთზე შეცვალეს, რის შემდეგაც მისი მდგომარეობა დამძიმდა.

გავრცელებული ინფორმაციით, ხამესს დახმარება ჯერ კიდევ გასახდელში აღმოუჩინეს, სადაც მას გულისრევის სიმპტომები და ზოგადი სისუსტე აღენიშნებოდა. კოლუმბიის ფეხბურთის ფედერაციამ ოფიციალური განცხადება გაავრცელა:

„მინესოტას სამედიცინო ცენტრთან კონტაქტის შემდეგ დადასტურდა, რომ ნახევარმცველი სპეციალისტების მეთვალყურეობის ქვეშ იმყოფება დაავადების გამო, რომელიც სპორტთან არაა დაკავშირებული.

საფრანგეთთან მატჩის მომდევნო დღეს მოთამაშეს აღენიშნებოდა ძლიერი გაუწყლოება, რამაც 72-საათიანი ჰოსპიტალიზაცია მოითხოვა. მნიშვნელოვანია დავაზუსტოთ, რომ ეს სიტუაცია არ უკავშირდება ტრავმებს ან მის საფეხბურთო კარიერას. საბედნიეროდ, სამედიცინო დასკვნა დადებით დინამიკასა და მდგომარეობის გაუმჯობესებაზე მიუთითებს.“