ცნობილი ჟურნალისტის ფაბრიციო რომანოს ინფორმაციით ხოსელუ მადრიდის რეალს ტოვებს.
ესპანელი თავდამსხმელი კატარულ ალ გარაფაში გადადის.
ტრანსფერი ბოლო ფაზაშია და გარკვეული დეტალების გარკვევის შემდეგ ყველაფერი გაოფიციალურდება.
კარლო ანჩელოტის ხოსელუს შენარჩუნება სურდა, თუმცა ესპანელმა სამეფო კლუბიდან წასვლა გადაწყვიტა.
34 წლის თავდამსხმელმა გასული სეზონი მადრიდის რეალში ესპანიოლიდან იჯარის წესით გაატარა და გუნდთან ერთად ჩემპიონთა ლიგისა და ლა ლიგის გამარჯვებული გახდა.
მისი გამორჩეული მომენტი ლიგის 1/2 ფინალში მანუელ ნოიერის კარში შესრულებული დუბლი იყო.
